သီအိုရီစီးရီးနဲ့ ဂီတလောကကို စတင်ဝင်ရောက်ခဲ့ပြီး ရောသမမွှေ Remix သီချင်းများနဲ့လည်း အောင်မြင်ခဲ့တဲ့ သားစိုးက ဖေဖော်ဝါရီလ ၁၈ ရက်နေ့မှာတော့ အာ လူးသာကူး နှာဗူးဂန်ဒူးဆိုတဲ့ စီးရီးသစ်ကို ထွက် ရှိလာပြီဖြစ်ပါတယ်။ electro remix နဲ့ Hip Hop ပုံစံများ ပေါင်းစပ်ထားတဲ့ ” အာလူး သာကူး နှာဗူး ဂန်ဒူး” စီးရီး မှာတော့ သီချင်းသစ် ၁၆ ပုဒ်ပါဝင်မှာ ဖြစ်ပြီး အားလုံး သီချင်းအသစ်တွေပဲ ဖြစ်တယ်လို့ သိရပါတယ်။
” သီချင်း ပုံစံတွေက အရင်တုန်းကလုပ်ခဲ့တဲ့ ဟစ်ဟော့ပ် ပုံစံတွေရော၊ ဒီဘက်ပိုင်းက ရောသမ မွေတို့လို သီချင်းပုံစံ တွေရောပါတယ်။ အဲ့ဒီလို အစုံထည့်ချင်တာ နဲ့ သီချင်း က ၁၆ ပုဒ်ဖြစ်သွားတာ။ ပရိသတ်တွေဘက် က စောင့်နေရတာကြာပြီဆိုတော့ သီချင်းပုဒ်ရေများများနဲ့ စောင့်ရကျိုးနပ်အောင်လုပ်ပေးထားပါတယ်” လို့ သားစိုးက ပြော ပါ တယ်။ သားစိုးရဲ့ စီးရီးသစ်မှာတော့ Featuring အဆိုရှင်များအဖြစ် မေရှင်၊ဘာဘူ၊ ဖြိုးကြီး၊ ချမ်းချမ်း၊ Lဆိုင်းဇီ၊ အိမ့်ချစ်၊နဒီဝင့်နိုင်၊ဇင်သူမိုး၊ ဆိုင်း ညီရဲရင့်၊ရွာစားလေး ထက် အာကာ အဖွဲ့စသဖြင့်များစွာ ပါဝင်ပြီး အလှူမင်္ဂလာ၊ ဒိုးသီချင်းများကို electro remix ပြန်လည် ပြုလုပ်ပြီး ဖန်တီးထားတယ်လို့လည်း သိရပါတယ်။ ဒီ နှစ်သင်္ကြန်နား အနီးမှာထွက်ရှိထားတဲ့ သားစိုးရဲ့ ” အာလူးသာကူး နှာဗူးဂန်ဒူး” စီးရီးကတော့ သင်္ကြန်ကာလအတွက်လည်း ရည်ရွယ်တဲ့ သီချင်းတွေ ဖြစ်ကြောင်းလည်း သိရပါတယ်။
From-ပေါ်ပြူလာ
0 comments:
Post a Comment