မကြာသေးခင်ကမှ ရွှေမင်းသမီး ဗီဒီယို ထုတ်လုပ်ရေး ရဲ့ ၃ကားမြောက် ရုပ်ရှင်ဇာတ်ကားကြီးဖြစ်တဲ့ TT & Donut ဇာတ်ကားမှာ ဧည့်သည် သရုပ်ဆောင်တစ်ယောက်အနေနဲ့ပါဝင်သရုပ်ဆောင်ထားတဲ့ ရွှေသမီးကို ရှုတင်တစ်ခုမှာတွေ့ဆုံခိုက် ယင်းဇာတ်ကားနဲ့ပတ်သတ်ပြီး မေးမြန်းဖြစ်သမျှက “ဇာတ်ဝင်ခန်းကာရိုက်တာက ညီမတွက်အရမ်းလုပ်ကွက်ရတယ်။ ဒီရန်ကုန်မှာပဲ ကိုပြေတီဦးနဲ့ အခန်းတွေ ရိုက်ခဲ့ရတယ်။ ထိုင်းမင်းသားနဲ့က တစ်ခန်းပဲ ဆုံတယ်။ စကားပြောခန်း မပါဘူး။ မျက်လုံးလေးနဲ့ပဲ သရုပ်ဆောင်ခဲ့ရပါတယ်။ အဆင်လဲ ပြေပါတယ်။ ဒါရိုက်တာက ဘယ်လိုလေး နေပေးပါ။ ဘယ်လိုလေး နေပေးပါဆို လုပ်ပေးလိုက်တယ်။ ဘေးမှာလဲ စကားပြန်တွေက တစ်ယောက်မဟုတ် တစ်ယောက်ရှိတယ်။ လိုချင်တဲ့ နေရာကို မကြိုက်ရင် မကြိုက်ဘူးပြောတယ်။ ရောက်အောင်သွားတယ်။ ညီမလဲ သေချာလေး သရုပ်ဆောင်ခဲ့ပါတယ်။ ဒီကားထဲမှာ စိတ်ကို နှစ်ပြီး လုပ်ခဲ့တယ်။ အစကတော့ တစ်ခြားနိုင်ငံက လူတွေနဲ့ဆိုတော့ စိတ်ထဲမှာ စိုးရိမ်စိတ်ကလေးတော့ ရှိခဲ့တယ်။ ဒါပေမဲ့ သူတို့နဲ့တွေ့တဲ့အခါမှာ အရမ်းအဆင်ပြေတယ်။ ဧည့်သည် သရုပ်ဆောင်ဆိုတော့ ပိုပြီးလဲ တာဝန်ကြီးသလိုပဲ။ ပရိသတ်က ကိုယ်ပါတဲ့အခန်းလေးကို သေချာအာရုံစိုက်ပြီး ကြည့်ကြမှာဆိုတော့ အားလုံးကို သေချာလေး ကြိုးစားထားတယ်။ သူတို့တွေကအရမ်းလဲ အချိန်တိကျတယ်။ သူတို့ဖက်က စီစဉ်တာတွေ အရမ်းများတယ်။ မိတ်ကပ်က သူတို့စီစဉ်ပေးတယ်။ အ၀တ်အစားကတော့ ကိုယ့်ဟာကိုပဲ။ ဒီကားထဲမှာပါတဲ့ ကိုပြေတီဦးအပြင် တခြားအနုပညာရှင်တွေ အတွက်ထိုင်းဖက်က အားလုံးကို စီစဉ်ပေးတယ်။ ထိုင်းဖက်က တစ်ရက်လာတယ်။ ရိုက်မဲ့ နေရာတွေကိုသူတို့အရင်သွားကြည့်ကြတယ်။ ရိုက်မဲ့ရက်မှာ တစ်ခါတည်း တည်လိုက်ရုံပဲ။ အားလုံးချောချောမွေ့မွေ့ပါပဲ။ အဆင်ပြေပါတယ်”လို့ သူမက ဆိုသွားပါတယ်။
ရွှေသမီးဟာ ခုလတ်တလော သေနတ်တစ်လက်၊ သနပ်ခါးတစ်စက်၊ ဓားတစ်လက်နဲ့ ကျွန်တော် ဇာတ်ကားမှာ ပါဝင်သရုပ်ဆောင်နေပြီး လက်ရှိဖြစ်နေတဲ့ စစ်ပွဲတွေနဲ့ ပတ်သက်ပြီးတော့ လည်း ခုလို ပြောပြသွားပါတယ်။ “စစ်ပွဲတွေဖြစ်နေတာတော့ မကောင်းဘူးပေါ့နော်။ လူလူချင်း ဖြစ်နေကြတဲ့ စစ်ဆိုတော့ မကောင်းဘူး။ ဒါလေးက နားလည်မှုလွဲပြီးဖြစ်ကြတာဖြစ်တဲ့အတွက် နားလည်မှုလေး ရှိနေရင် အချင်းချင်းဖြစ်တဲ့တွက် မကောင်းပါဘူး။ စစ်ပွဲတွေမြန်မြန်ပြီးပါစေ။ ရှေ့တန်းရောက်နေတဲ့ စစ်သားတွေလဲ မိသားစုနဲ့တူတူပြန်နေခွင့်ရပါစေလို့။ စစ်ပွဲတွေအမြန်ဆုံး ပြီးဆုံးနိုင်ကြပါစေ” လို့ ဆုတောင်းပေး သွားပါတယ်။
ခင်ဆွေသက်
(Trend Myanmar)
0 comments:
Post a Comment