နံနက် ၄ နာရီမိနစ် ၂၀ ရောက်လျှင် မစ္စရီတာမက်တို့စ် Rita Mattos အိပ်ရာမှထသည်။ လမ်းများကို သန့်ရှင်းရေး၊ ရေမြောင်းရှင်းလင်းမှုစသည့် အလုပ်များကို တရက်လျှင် ၁၂ နာရီအထိ လုပ်ကိုင်ရသည်။
ဘရာဇီးနိုင်ငံ ရိုင်ယိုဒီဂျနေရိုးမြို့မှ မစ္စရီတာမက်တို့စ်၏ သန့်ရှင်းရေး အလုပ်သမအဖြစ် အလုပ်လုပ်နေပုံများ အင်တာနက်တွင် ပေါ်လာပြီးနောက် လူအများစိတ်ဝင်စားခြင်းခံရနေရပြီး အမှိုက်လှည်းသမဘ၀မှ မော်ဒယ်ဘ၀သို့ ကူးပြောင်းရန် စဉ်းစားလာသည်။ သူမကို စိတ်ဝင်စားသူများလည်း တိုးပွားလာသည်။
ချစ်စကား ကမ်းလှမ်းသူများ၊ အချိန်းအချက်ပြုလုပ်သူများပင် ရှိလာသည်။
''ချစ်စရာ အမှိုက်လှည်းသမလေး''ဟု အမည်တပ်ခံရသည့် ၂၃ နှစ်အရွယ် မစ္စရီတာမက်တို့စ်က အစ ပထမတွင် ယခုကဲ့သို့ ဂရုစိုက်ခံရမှုကိုလက်မခံဘဲ သူမအပေါ် ချိုးနှိမ်ခြင်းသာဖြစ်သည်ဟု ယူဆခဲ့သည်။
''မိန်းမချောလေးတယောက်က လမ်းပေါ်မှာ တံမြက်စည်းလှည်းတဲ့ အလုပ် လုပ်နေတာ လူတွေက မြင်ရတော့ အံ့သြ ကြတယ်။ ဒီအလုပ်ထက်ကောင်းတဲ့ အလုပ်ရှာနိုင်တယ်လို့ ပြောကြတယ်။ ဒါပေမဲ့ လမ်းသန့်ရှင်းရေးလုပ်တဲ့ အမျိုးသမီးဆိုရင် အရုပ်ဆိုးရမှာလား၊ လူတွေက သန့်ရှင်းရေးဝန်ထမ်းတွေအပေါ် အဲဒီလို အစွဲတွေရှိတယ်''ဟု မစ္စရီတာက ဘရာဇီးသတင်းစာတစောင်ကို ပြောပြခဲ့သည်။
တလလျှင် ပေါင်စတာလင် ၄၀၀ ရသော အလုပ်လုပ်နေသည့် မစ္စရီတာကို ယခုကဲ့သို့ အာရုံစိုက်နေခြင်းမှာ သူမအပေါ်ဟာသလုပ်နေကြခြင်း မဟုတ်ကြောင်း သိရှိလာချိန်တွင် မစ္စရီတာက သူမ၏အလှကို သတိပြုမိလာ ပြီး မော်ဒယ်အလုပ်လုပ်ကိုင်ရန် စဉ်းစားလာခဲ့သည်။ ထို့ကြောင့် မစ္စရီတာသည် မော်ဒယ်လုပ်ရန်အတွက် အခွင့်အလမ်းများ ရှာဖွေနေပြီး လိုအပ်ပါက ကိုယ်လုံးတီးဖြင့် မော်ဒယ်သရုပ်ပြအလုပ်ကို လုပ်ကိုင်မည်ဟု ပြောသည်။
သို့ရာတွင် မစ္စရီတာက သူမ၏ ဘ၀ အသက်မွေးဝမ်းကျောင်းအလုပ်ကိုတော့ စွန့်လွှတ်မည်မဟုတ်ဟု ပြောသည်။ 'သန့်ရှင်းရေးလုပ်တဲ့အလုပ်က ခက်ခဲကြမ်းတမ်းတဲ့အလုပ်ဖြစ်လို့ ခန္ဓာကိုယ်ကြံ့ခိုင်မှုအတွက် ကောင်းပါတယ်။ အလုပ်ပြီးရင် ကျွန်မ အားကစားလေ့ကျင့်ရုံသွားတယ်''ဟု မစ္စရီတာမက်တို့စ်က ပြောခဲ့သည်။
သူမသည် အသက် ၁၆ နှစ်အရွယ်မှစပြီး အလုပ်လုပ်ကိုင်ခဲ့ရသည်။ ပြီးခဲ့သောနှစ် မတ်လမှစ၍ သန့်ရှင်းရေးအလုပ်သမအဖြစ် လိမ္မော်ရောင် သန့်ရှင်းရေးဝတ်စုံကို ၀တ်ဆင်ပြီး အလုပ် လုပ်ခဲ့သည်။
ယနေ့အချိန်တွင်မူ နာမည်ကျော်ကြားလူသိများလာသော အခွင့်ကောင်းကိုမူတည်ပြီး မော်ဒယ်ဖြစ်လာရန် ကြိုးစားနေသည်။
Credit-News Watch(စောင့်ကြည့်သတင်းဂျာနယ်)
မိဖုရား ( www.mibayar.co )
0 comments:
Post a Comment