မင်းသွေးက 'ထိုးစစ်' ဆိုတဲ့ တစ်ကိုယ်တော်အခွေကို စီစဉ်နေပြီး ဒီအခွေထဲကWanted အဖွဲ့ ဦးရှည် ကြီးရေးထားတဲ့ 'ရုပ်ဆိုးပါသည်' နဲ့ Idiots အဖွဲ့က ရေမွန်ရေးပေးတဲ့ 'မဖြစ်နိုင်လို့' ဆိုတဲ့ ရော့ခ်သီချင်းနှစ်ပုဒ်ကို Myanmar Music Store ကနေ မတ်လ ၂ဝ ရက်ကျော်ကျော်မှာ ရောင်းချသွားမှာဖြစ်ကြောင်း မင်းသွေးကပြောပါတယ်။
အခွေတစ်ခွေလုံးမထွက်ခင်မှာ အွန်လိုင်း မှာ သီချင်းရောင်း ဖြစ်ပုံကိုတော့ မင်းသွေးက..
"အဓိကကတော့ စီးရီးမထွက်ခင် ကျွန်တော် ဒါလေးလုပ်ထားပါ တယ်ဆိုတာကို အသိပေးချင်တာပါ။ နောက်ပြီး ကိုယ့်ဘာသာကိုယ် လောလိုက်တဲ့သဘောပါ။ ကျွန်တော် စီးရီးလုပ်နေတာ ၄ နှစ်လောက်ရှိ ပြီ။ ဒါလေးကိုမထွက်မဖြစ် ငါလုပ်ရမယ်ဆိုပြီး ကိုယ့်ဘာသာ ကိုယ် လည်းRemine ပေးရင်းနဲ့ ပရိသတ်တွေကို လည်း ကျွန်တော့် သီချင်းတွေကို နားထောင်စေချင်တဲ့ သဘောပါ"လို့ ပြော ပါတယ်။ မင်းသွေးရဲ့'ထိုးစစ်' တေးစီးရီးထဲမှာ သီချင်း ၁၁ ပုဒ် ပါဝင်ပြီး Bonus Track အနေနဲ့ သီချင်း
တစ်ပုဒ်ထည့်ပေးမှာဖြစ်ကာ သီချင်းပုံစံက ရော့ခ်ဂီတသီချင်းတွေပဲဖြစ် ကြောင်း သိရပါတယ်။
"ကြာတာက လေးကြတာပေါ့။ ကျွန်တော့်ဘော်ဒါတွေက လည်း လေးတယ်။ အနုပညာသမားတွေဖြစ်တော့ သူတို့က ကျွန်တော့်ထက်ပိုဆိုးမှာပေါ့။ သီချင်းရေးတယ်ဆိုတာက သူတို့ စိတ်ပါပြီး သူတို့ခံစားချက်နဲ့ တိုက်ဆိုင်မှဖြစ်တာလေ။ အဲဒါကြောင့် သူတို့ကို ကျွန်တော်လည်း မလောချင်ဘူး။ ကျွန်တော်ကိုယ်တိုင် လည်း သီချင်းရပြီးတော့ မသွင်းဖြစ်ဘူး။ အဲဒါကြောင့် ကြာသွား တာပါ။ သီချင်းတွေအားလုံးက ရော့ခ်ချည်းပါပဲ။ ကျွန်တော် ကိုယ်တိုင်ကလည်း ရော့ခ်ကိုပဲကြိုက်ပါတယ်။ ရင်ထဲမှာ ရှိတာ အမှန်အတိုင်းပြောရရင် ကျွန် တော်ဂီတကို ဂီတလိုပဲခံစားထားပါ တယ်။ ကျွန်တော် ဆိုတတ်သလောက်၊ ရင်ထဲမှာရှိသလောက် ရိုးရိုးသားသားနဲ့ ဆိုထားပါတယ်" လို့ပြောပါတယ်။
ဒီတေးစီးရီးခွေ တစ်ခွေလုံးကိုတော့ ဇွန် ၂၁ ရက်နေ့မှာ ကျရောက်တဲ့ သူ့ရဲ့ မွေးနေ့ မှာ ထွက်ရှိနိုင်ဖို့ စီစဉ်နေကြောင်း မင်းသွေးက ပြောပါတယ်။
ခိုင်ဝေလွင်
0 comments:
Post a Comment