ဇာတ်လမ်းအမျိုးအစား - မိသားစု၊ စိတ်ကူးယဉ်၊ ဟာသ
ရုပ်သံလွှင့်ဌာန - SBS
ထုတ်လွှင့်ခဲ့ချိန် - ၂၀၁၅၊ ဒီဇင်ဘာ ၃ ရက်
Family is Coming ကို Family Outing လို့လည်း ခေါ်ပါတယ်။ ဒီဇာတ်လမ်းတွဲဟာ ၂၀၁၂ ခုနှစ်က ကင်(မ)ဘမ်း ရေးသားထုတ်ဝေခဲ့တဲ့ Grandma is Back ကို အခြေခံပြီး ရိုက်ကူးထားတာ ဖြစ်ပါတယ်။ လွန်ခဲ့တဲ့ နှစ်ပေါင်း ၅၀ ကျော်က မိသားစုကို စွန့်လွှတ်ကာ အမေရိကကိုထွက် သွားတဲ့ ဂျန်ကန်ဆွန်းဟာ တစ်နေ့မှာတော့ မမျှော်လင့်ဘဲ ရုတ်တရက် ပြန်ရောက်လာခဲ့တယ်။ သူမပြန်ရောက်ခဲ့တာကတော့ ကိုရီးယားမှာ ကျန်ရှိခဲ့တဲ့ သားသမီးတွေနဲ့ မြေးတွေကို အမွေခွဲပေးဖို့ပါပဲ။ ဘွားဘွား ဂျန်ကန်ဆွန်းခွဲဝေပေးမယ့်အမွေ ဝမ် ၁၀ ဘီလီယံကို မိသားစုဝင်တွေက သူရသင့်တယ် ငါရသင့်တယ်ဆိုပြီး အမွေလုကြပါတော့တယ်။
အပြိုင်အဆိုင် အမွေလုနေကြတဲ့ မိသားစုဝင်တွေထဲကို နောက်ထပ်ဝင်ရောက်လာသူကတော့ နာမည်ကြီးတက္ကသိုလ်တစ်ခုကနေ ဘွဲ့ရလာပြီး အလုပ်လက်မဲ့ဖြစ်နေတဲ့ ချွဲဒုန်ဆော့ပါပဲ။ ခန့်ညားစတိုင်ကျတဲ့ ချွဲဒုန်ဆော့ဟာ မိသားစုဝင်တွေထဲက ဘယ်သူတွေနဲ့ ဘယ်လိုပတ်သက်ပြီး ဇာတ်လမ်းဆက်သွားမယ်ဆိုတာကိုတော့ စောင့်ကြည့်ရမှာပဲ ဖြစ်ပါတယ်။
Family is Coming ကို ဒါရိုက်တာ ဂျိုဒုန်မင်းကရိုက်ကူးပြီး ကင်(မ)ရှင်ဟေးက ဇာတ်ညွှန်းရေးသားပါတယ်။ ဘွားဘွားအဖြစ် ပတ်ဝမ်ဆော့၊ ချွဲဒုန်ဆော့အဖြစ် ဂျီရီဟန်၊ နာဂျွန်ဟီးအဖြစ် လီဂျောင်ဟွန်း၊ ဂျောင်ဂျွန်းအာအဖြစ် အိုဆောင်းဂျင်နဲ့ အခြားသော သရုပ်ဆောင်များစွာတို့ ပါဝင်ထားကြပါတယ်။
မိဖုရား
Credit to People Magazine
0 comments:
Post a Comment