အသက်၇နှစ်အရွယ် ပထမတန်းကျောင်းသူတစ်ဦးကိုအိမ်နီး ချင်းဖြစ်သူအ သက် ၁၈နှစ်အရွယ်အမျိုးသား ငယ်က ဓားဖြင့်ထိုးခဲ့မှု ဒီပဲယင်းမြို့နယ် တွင်းရှိဖုတ္တန်းတောရွာတွင်ဖြစ်ပွားပြီးနောက် ကလေးခိုးကာ ကိုယ်အင်္ဂါ အစိတ်အပိုင်းများခိုးယူရန် ကြိုးပမ်းနေသည်ဟူသောကောလ ဟာလများပျံ့နှံ့ခဲ့သည်။
ဇန်န၀ါရီလ ၂၂ရက် နံနက် ၁၂နာရီခွဲအချိန်ခန့်က သမီးဖြစ်သူအား နေအိမ် တွင်ရှာမတွေ့သဖြင့် လိုက်လံရှာ ဖွေရာမှ ဖုတ္ထန်းတောကျေးရွာအရှေ့ဘက် လယ်ကြားမြောင်းအတွင်း ၀မ်းဗိုက်ပေါက်ပြဲဒဏ်ရာဖြင့် တွေ့ရှိ ရသဖြင့် ဓါးဖြင့်ထိုးသူအား ဥပဒေနှင့်အညီအရေးယူပေးရန် မိခင်ဖြစ်သူက မူးကမ်းကြီးနယ် မြေရဲစခန်းသို့ တိုင်ကြား ခဲ့သည်။
ထိုသို့ ပထမတန်းကျောင်းသူကို ဓားဖြင့်ထိုးခံရသည့် ကိစ္စနှင့်ဆက်စပ်ကာ ကလေးခိုးပြီး ကိုယ်အင်္ဂါ အစိတ်အပိုင်းများထုတ်ယူရန်ကြံ စည်ခဲ့သည်ဆို
သည့် မမှန်မကန်သတင်းများ လည်းထိုဒေသတစ်ဝိုက် တွင် ကျယ်ကျယ်ပြန့်ပြန့်ထွက် ပေါ်နေခဲ့ပြီးမှုခင်းဖြစ်ပွားခဲ့သော ကျေးရွာအုပ်ချုပ်ရေးမှူးနှင့် မူးကမ်းကြီးနယ်မြေ တပ်ဖွဲ့ရဲစခန်းကမူ ထိုကိစ္စကို ငြင်းဆိုလိုက်သည်။
ကလေးငယ်အားဓားဖြင့်ထိုးခဲ့သူမှာ အိမ်နီးချင်းဖြစ်သူ အသက် ၁၈နှစ်အရွယ် အမျိုးသားငယ်ဖြစ်ပြီး ဓားဖြင့် ထိုးရသည့် အကြောင်းအရင်းကို စစ်ဆေးနေဆဲဖြစ်သည်ဟု မူးကမ်းကြီးကျေးရွာ နယ်မြေရဲစခန်း စခန်းမှူး ရဲအုပ်နိုင်ဌေးက ပြောသည်။
ဓားဖြင့်ထိုးခံရသည့် ကလေးငယ်ကိုမူ ရွှေဘိုဆေးရုံတွင် ပို့ဆောင်ကာ ဆေးကုသပေးနေပြီး အခြေအနေမှာ မစိုးရိမ်ရသည့်အနေအထားဖြစ်သည်ဟု ရဲတပ်ဖွဲ့မှသတင်းရရှိသည်။
မိဖုရား
From- 7 Day Daily
0 comments:
Post a Comment