သင့်ဖွားဖက်တော်နဲ့ပတ်သက်ပြီး စိုးရိမ်ရမည့် လက္ခဏာများ

သင့်ဖွားဖက်တော်အကြောင်းကို သင်သေချာသိမှာ သေချာပါတယ်။ ဒါပေမယ့် အခြားသူတွေနဲ့ နှိုင်းယှဉ်ကြည့်မိဖို့တော့ မလွယ်ကူပါဘူး။ သင်ပစ္စည်းကို သင်ကိုယ်တိုင်က ပုံမှန်ပဲလို့ ထင်နေပေမယ့် အခြားသူတွေနဲ့မတူပဲ ထူးခြားမှုတွေ ရှိနေနိုင်ပါတယ်။ ဒါ့ကြောင့် ဖွားဖက်တော်နဲ့ပတ်သက်ပြီး စိုးရိမ်စရာဖြစ်လာနိုင်တဲ့ လက္ခဏာတွေကို ကျွမ်းကျင်ပညာရှင်တွေက ရှင်းပြထားပါတယ်။ ဒီရှင်းပြချက်တွေထဲက တစ်ခုခုကို ကြုံတွေ့နေရမယ်ဆိုရင်တော့ ဆရာဝန်ဆီကို မြန်နိုင်သမျှမြန်မြန်သွားရောက် ကုသမှုခံယူဖို့ အကြံပြုလိုက်ပါတယ်။

၁။ အနီကွက်ပြဿနာ

သင့်လိင်တံခေါင်းပိုင်း အောက်နားကနေစပြီး လိင်တံတလျှောက်မှာ အနီရောင်အကွက်တွေ ဖြစ်နေတာမျိုး ဖြစ်ပါတယ်။ ဒီလိုဖြစ်ရတာဟာ ပွတ်တိုက်မိတာကြောင့်လို့ ထင်ကောင်းထင်မိမှာပါ။ များသောအားဖြင့်လည်း ပွတ်တိုက်မိတာကြောင့် ဖြစ်ရတာဖြစ်ပါတယ်။ ဒါပေမယ့် သင့်အနေနဲ့ လိင်ဆက်ဆံမှုလည်း မရှိခဲ့ပဲ အနီကွက်ပေါ်လာပြီး နာကျင်ခံစားရတာမျိုးမရှိဘူးဆိုရင်တော့ ဒီအနီကွက်ဟာ လိင်တံကင်ဆာရဲ့ လက္ခဏာဖြစ်နိုင်ပါတယ်။ ဒီကင်ဆာမျိုးက စောစီးစွာသိရှိပြီး ကုသမှုခံယူရင် ပျောက်ကင်းနိုင်ပေမယ့် အချိန်လွန်သွားတယ်ဆိုရင်တော့ သင့်ပစ္စည်းရဲ့ တစ်စိတ်တစ်ပိုင်း ဒါမှမဟုတ် တစ်ခုလုံးကို ဖယ်ရှားပစ်ရတဲ့အထိ ဖြစ်နိုင်တယ်လို့ ကျွမ်းကျင်သူတွေက ပြောထားပါတယ်။

၂။ တင်းကျပ်မှု

သင့်ပစ္စည်းထိပ်ခေါင်းပိုင်း အရေပြားက တင်းကျပ်နေသလို့ ခံစားရတာမျိုးကို ဆိုလိုပါတယ်။ ဒါ့အပြင် အဖြူရောင် အစက်အပျောက်လေးတွေလည်း တွေ့ရနိုင်ပါတယ်။ ဒီလိုဖြစ်တဲ့အခါမှာ နာကျင်ရတာမျိုးလည်း ရှိသလို ဘာမှမခံစားရတာမျိုးလည်း ရှိပါတယ်။ ဒီအခြေအနေက ခန္ဓာကိုယ်တွင်း ဟော်မုန်းဓာတ်နဲ့ ကိုယ်ခံအားစနစ် မညီမျှမှုတို့ကြောင့် ဖြစ်ရတာဖြစ်ပါတယ်။ သင့်အနေနဲ့ လိင်တံအရေပြားလှီးဖြတ်ထားတယ် ဒါမှမဟုတ် ဆီးသွားတဲ့အခါမှာ အရမ်းညှစ်နေရတယ်ဆိုရင် စိုးရိမ်ရတဲ့အခြေအနေဖြစ်ပါတယ်။ အချိန်မှီကုသမှု မခံယူခဲ့ဘူးဆိုရင် ကင်ဆာရောဂါဖြစ်ပွားလာနိုင်သလို ဆီးလမ်းကြောင်းပိတ်ဆို့သွားတာမျိုးလည်း ဖြစ်နိုင်ပါတယ်။

၃။ ကောက်နေရင်လည်း သတိထားပါ

သင့်ရဲ့ပစ္စည်းထောင်မတ်လာချိန်မှာ မသိမသာကောက်နေတာမျိုးပဲ ဖြစ်သင့်ပါတယ်။ ဒါပေမယ့် တဖြည်းဖြည်း အရမ်းကောက်လာနေပြီး လိင်တံအရေပြားအောက်မှာ တင်းမာမှုကို ခံစားရလာမယ်ဆိုရင် Peyronie’s ရောဂါကို ခံစားနေရတဲ့ လက္ခဏာဖြစ်ပါတယ်။ ဒီရောဂါဟာ အနာရွတ်တစ်ရှုးတွေ စုပုံများပြားလာကြောင့် ဖြစ်တာပါ။ ကုသမှုမခံယူဘူးဆိုရင် လိင်ဆက်ဆံနေစဉ်မှာ နာကျင်ခြင်း၊ လိင်တံအလွန်အကျွံ့ကောက်ကွေးခြင်းနဲ့ လိင်တံကျိုးဖို့ အလားအလာများခြင်း စတာတွေကို ခံစားရမှာ ဖြစ်ပါတယ်။ ဒီအခြေအနေကို ကုသရာမှာ လိုအပ်ရင် ခွဲစိတ်ကုသဖို့အထိ လိုအပ်တယ်လို့ ကျွမ်းကျင်ပညာရှင်တွေက ဆိုထားပါတယ်။

၎။ ဆီးအတွင်း သွေးပါခြင်း

ဆီးသွားတဲ့အခါမှာ သွေးစသွေးနလေးတွေ ပါလာတာကို သတိပြုမိမယ်ဆိုရင် ကျောက်ကပ်မှာ ကျောက်တည်တာ ဒါမှမဟုတ် ဆီးကျိတ်ရောင်နေတဲ့ လက္ခဏာပဲဖြစ်ပါတယ်။ သင့်ရဲ့ဆီးက အခြေအနေကောင်းနေပေမယ့် အတွင်းခံဘောင်းဘီမှာ သွေးကွက်လေးတွေ တွေ့ရတာမျိုးလည်း ရှိတတ်ပါတယ်။ ကြောက်မသွားပါနဲ့။ သင့်ဘောတွေနဲ့ လိင်တံမှာ အပြာရင့်ရောင်အစက်အပျောက်လေးတွေ ရှိမရှိစစ်ဆေးကြည့်ပါ။ အစက်အပျောက်လေးတွေ အများအပြားရှိနေပြီး သွေးထွက်နေတာမျိုးဖြစ်နေရင် အရေပြားရှိဆံချည်မျှင်သွေးကြောလေးတွေမှာအနာဖြစ်နေတာမျိုး ဖြစ်ပါတယ်။ ဒီအခြေအနေက စိုးရိမ်စရာသိပ်မရှိပေမယ့် အပြာရောင်အစက်လေးတွေ တစ်ကွက်တည်းစုဝေးပြီး ယားယံမယ်ဆိုရင် Paget’s ရောဂါကို ခံစားနေရပြီဖြစ်ပါတယ်။ သတိထားကုသဖို့ လိုပါလိမ့်မယ်။

၅။ ဝှေးစေ့နာကျင်မှု

အသက်(၁၅)နှစ်ကနေ (၃၅)နှစ်အတွင်းအမျိုးသားတွေမှာ ဝှေးစေ့ကင်ဆာက အဖြစ်အများဆုံးရောဂါတစ်ခု ဖြစ်ပါတယ်။ ဒီရောဂါရဲ့ လက္ခဏာတွေအနေနဲ့ သင့်ရဲ့ဝှေးစေ့တွေပေါ်မှာ မာကျောပြီး နာကျင်မှုမရှိတဲ့အကျိတ်ဖုတွေ ပေါ်နေတာပဲဖြစ်ပါတယ်။ စောစီးစွာသိရှိမယ်ဆိုရင် (၉၉)ရာခိုင်နှုန်း ပျောက်ကင်းအောင် ကုသနိုင်ပါတယ်။ ဒါ့ကြောင့် အမျိုးသားတွေအနေနဲ့ ဝှေးစေ့တွေ ပုံမှန်ရှိမရှိကို တစ်လကို တစ်ကြိမ်လောက် စမ်းသပ်စစ်ဆေးသင့်ပါတယ်။ ရေနွေးနဲ့ရေချိုးတဲ့အချိန်မှာဆိုရင် ဝှေးစေ့တွေ တွဲကျနေတတ်တာကြောင့် ကိုယ့်ကိုယ်ကို စမ်းသပ်စစ်ဆေးဖို့အကောင်းဆုံးပဲ ဖြစ်ပါတယ်။

မိဖုရား
Source : Gentleman Magazine